lavr2004

Кожны на сваім мейсцы

Згодна з меркаваньнем сацыёлага Філіпа Пэйссэля, жаночы характар падпарадкаваны чатыром асноўным тэндэнцыям:
1)Маці;
2)Каханка;
3)Ваярка;
4)Настаўніца.
_Маці надае асноўную ўвагу стварэньню сям'і, нараджэньню і выхаваньню дзетак.
Каханка любіць спакушаць ды імкнецца да розных прыгодаў у каханьні.
_Ваярка імкнецца да захопу тэрыторыі ўлады, змагаецца за ідэі і палітычныя мэты.
Настаўніца цікавіцца мастацтвам, духоўнасьцю альбо лякарствам. Гэта ідэальная муза, настаўніца, доктар. Такія жанчыны калісьці былі весталкамі.
У кожнай жанчыны гэтыя рысы разьвітыя ў большай альбо ў меншай ступені. Праблемы найчасьцей узнікаюць праз тое, што характар жанчыны можа не адпавядаць ролі, якую навязвае ёй асяроддзе. Змушаньне каханкі быць матуляй, а ваяркі - настаўніцай, можа справакаваць жорсткія трагедыі.

У мужчынаў таксама выдзяляецца чатыры асноўныя характары:
1)Сялянін;
2)Вандроўнік;
3)Будаўнік;
4)Ваяр.
У Бібліі мы сустракаем Авэля-вандроўніка, які пасьвіць статак і Каіна-сяляніна, што заняты земляробствам. Каін забівае Авэля, і Бог дае яму пакараньне, гаворачы:"Ты будзеш вандраваць па землях". Каін, у душы сапраўдны сялянін, змушаны зрабіцца вандроўнікам. Ён мае рабіць тое, да чаго ня мае здольнасьцяў. І праз тое пакутуе.

Адзіны хаўрус, што здольны прывесьці да працяглага сумеснага жыцьця - "маці і сялянін". Абодва яны імкнуцца да сталасьці і спакою. Усе іншыя пары могуць, злучыўшыся, перажыць вялікае каханьне, але з цягам часу канфлікты паміж імі будуць непазбежныя.

Мэта склаўшайся жанчыны - зрабіцца і матуляй, і каханкай, і ваяркай, і настаўніцай. Толькі тады можна будзе сцвярджаць, што прынцэса зрабілася каралеўнай.
Мэта склаўшагася мужчыны - зрабіцца і селянінам, і вандроўнікам, і будаўніком, і ваяром. Толькі тады можна сцвяржаць, што прынц зрабіўся каралём.

І вось, калі сфармаваўшыся кароль сцстракае склаўшуюся каралеўну, адбываецца нешта чароўнае. Прыходзяць і прага і сталасьць стасункаў. Але гэта здараецца так рэдка.
----------------------------------------

Цікава, але гэтая кніга трапіла да мяне ў рукі самым чароўным чынам... менавіта тады, калі я чарговы раз задумаўся над пытаньнем будовы Сусьвету і ролі чалавецтва ў ім. Зрэшты ідэі Бернарда Вэрбэра я выказваў да свайго сябра Яўгена яшчэ ў дзяцінстве, недзе ў клясе сёмай-восьмай, калі толькі даведаўся аб будове атама. А зараз здзіўляюся%)))Меркаваў, што толькі ў мяне такія меркаваньні.
------------------------------------------------------------
"Пераварочваючы гэтую старонку, вы заўважаеце, што датыкаецеся ўказальным пальцам пэўнай кропкі на паперы. Гэта выклікае няхначнае награваньне гэтай самай кропкі. Нязначнае, але цалкам праўдзівае. У сьвеце бясконца малых велічыняў награваньне выклікае рух электрона, пакідаючага свой атам і тузаючага іншую часцінку.
Але часцінка гэтая насамрэч "адносна" агромністая і штуршок электрона для яе робіцца сапраўдным сутрасеньнем. Дасюль яна была інэртнай, пустой і халоднай. Праз ваш "скачок" са старонкі на старонку ў яе пачынаецца крызыс. Сваім дзеяньнем вы справакавалі зьмяненьні, аб выніках каторых вы так ніколі і не даведаецеся.
ВЫБУХ у сьвеце бясконца малых велічыняў.
Рэшткі разлятаючайся ў розныя бакі матэрыі.
Выдзяляемая энэргія.
Можа так стацца, што з'явіліся мікрасусьветы, можа быць у іх жывуць людзі, і яны адчыняць металургію, спосаб прыгатаваньня ежы на вадзяной пары і міжзоркавыя палёты. І нават апынуцца разумнейшымі за нас. Іх ніколі б не было, калі б вы не ўзялі ў рукі гэтую кнігу і калі б ваш палец не нагрэў менавіта гэтую кропку старонкі.
Разам з тым наш Сусьвет, безумоўна, сам знаходзіцца ў куце старонкі гігантычнай кнігі, у падкладцы бота альбо ў пене піўнога келіха нейкай цыывілізацыі веліканаў. Нашае пакаленьне ўжо ніколі не даведаецца, сярод якіх бясконца малых і бясконца вялікіх велічыняў мы знаходзімся. Але мы ведаем тое, што даўным-даўно наш Сусьвет быў пустым, халодным, чорным і нерухомым. Але ў пэўны момант нехта альбо нешта выклікала крызыс. Перавярнулі старонку, наступілі на каменьчык, сдулі пену з піўнога келіха. Было здзейснена пэўнае ўздзеяньне. У нашым выпадку, як тое вядома, гэта быў Вялікі выбух.
Толькі ўявіце сабе бясконцую маўклівую прастору, раптоўна пабуджаную тытанічным выбухам. Чаму недзе наверсе перавярнулі старонку? Навошта здулі пену з піва?
Менавіта дзеля таго, каб усё эвалюцыянавала ажно да гэтага самага моманту, у які вы, чытач, чытаеце пэўную кнігу там, дзе вы зараз знаходзіцеся.
І можа быць кожны раз, калі вы пераварочваеце старонкі гэтай кнігі, дзесьці ў сьвеце бясконца малых велічыняў, узьнікае новы сусьвет.
Падумайце аб сваёй бязмежнай магутнасьці."
--------------------------------------------------------------
Можа яшчэ да каго прыходзілі такія меркаваньні?

Перакладаем Google

-------------------------------------------------------------------------------

---------------------------------------------------------------------------------



http://www.google.com/transconsole

 Гэй!!!...
Маёй партыі 20 гадоў.
:)



Віншую ўсіх сяброў і паплечнікаў-аднапартыйцаў з гадавінай.
Няхай жыве Фронт!!

Сёньня вельмі незвычайны дзень...
:)))))))))))))))))))))
Віншую і жадаю, каб 1000 год!!!!!!!!!!!!
Каб зусім!!!... і з салодкімі напоямі:)

Складана перадаць мае вельмі неадназначныя пачуцьці да Сяржука і Ірыны.

Віншую са сьвятам

Не сябры, я вось сур'ёзна не разумею крыважэрнасьці стаўленьня многіх беларусаў да абставінаў у Косава...

 Незалежнасьць УЖО куплена сваёй уласнай крывёю і гэта відавочна.

Аргументацыя майго меркаваньня захавана ў архівах тых інстытутаў, да якіх шматлікія калегі-беларусы самі апелююць у трывалым імкненьні па абароне сваіх правоў.

Вітаю новую дзяржаву :)

  Хм.

"Ідзіот" Дастаеўскі Ф.М.

як заўжды

Сайт Гарадзенскага аблвыканкама дае нам выдатную магчымасьць запытацца ў мясцовых “Талібаў” “Чаму яны так ненавідзяць НАШУ Гародню?” “Чаго ім нехапае ў жыцці, што яны спрабуюць атрымаць максімум адкатаў?” “Ці ёсьць у іх сумленьне?”
На маю думку такія пытаньні ўзнікаюць ва ўсіх, хто ведае памеры заплянаванага “вандалізма” у Гародні.

http://grodno-region.gov.by/ru/questions_to_authority

Улады наўрадці будуць адказваць на пытаньні жыхароў (іх жа не выбіраюць), але паток падобных запытаў ня будзе дзеля іх прыемным.

Тэкст пытаньня можа быць такім:
“Почему вы так ненавидите город Гродно, что готовы любой ценой разрушить его исторический центр? Неужели вам мало ваших зарплат, что вы продаете землю на которой стоят жемчужины архитектуры?
Неужели вы готовы развернуть репрессии против лучшей молодежи города, которая самоотверженно пытается защитить уникальную историческую застройку, которая пережила две Мировые войны(!)?”


Ратуйма Гродна!
www.help-hrodna.info

Ратуйма Гродна!
www.help-hrodna.info

Паважаныя сябры моладзі БНФ.
Запрашаем вас да удзелу ў кампаніі па абароне гістарычных помнікаў Горадні, што падвяргаюцца продажу замежнікам і адмысловаму разбурэньню збоку гарадзенскіх уладаў. Сярод такіх у сучаснай Горадні дзесяткі будынкаў.
Распачата актыўная дзейнасьць па прыцягненьні і інфармаваньні людзей аб праблематыцы гарадзенскіх гісторыка-культурных каштоўнасьцяў і магчымасьці іх захаваньня.

Рада моладзі БНФ запрашае актыўных і неабыякавых людзей далучыцца да агульнай кааліцыйнай працы (сумесна з МФ, рухам “За Свабоду”, арганізацыямі трэцяга сектару і інш.) па інфармаваньні насельніцтва, зборы подпісаў “За захаваньне гістарычных помнікаў Горадні”, правядзеньні Абласнога рэферэндуму па гэтых пытаньнях, а таксама шэрагу перфомансаў, цікавых флэшмобаў і іншых мерапрыемстваў.

Спадарства, каму неабыякавы лёс нашае гістарычнае спадчыны, хто мае хаця б
1 дзень вольнага часу, абавязкова зьвяртайцеся за інфармацыяй па кантактных тэлефонах: (+375) 29 573-88-17 Андрусь – агульная інфармацыя
(+375) 29 685-52-39 Сяржук – інфармацыя па праезьдзе у межах кампаніі “Аўтаспынам на выратаваньне Горадні” (падрабязная інфармацыя на www.pbnf.org )
(+375) 29 777-79-53 Ільля – арганізацыйная інфармацыя.
(+375) 29 668-58-21 Франак.

Калі не змагацца дык адаптавацца!!!!!!

Яны ішлі па прашпекце калёнай...

 Паветра хвалявалася пад грукатам гучнага рэха, што пралятала праз форткі і адбівалася ад сьценаў плоскіх дамоў...



Яны былі каляровыя, Яны былі жывыя, Яны вылучалі энэргію і суцэльны настрой... настрой Моладзі... ...нават сьціснутыя сьлімакі, што гулялі парамі і па адным уздоўж прашпекту зьдзіўляліся і спадзяваліся, што ў іх хопіць сілаў, каб далучыцца.Але ўсё роўна: маўчалі, глыналі паветра і рэха з нашых грудзёў у свае сьлімачныя вантробкі.

Сьлімакі...нячысты-іх-задзяры.

Давялося мне наведаць далёкія замежныя мясьціны, дзе жывецца стабільна і мірна, дзе кожны мае свой дом, сваю чарку і шкварку на стале раўнамерна і раўнапраўна размеркаваныя ў гэтай стабільнасьці. Гэтую маленькую краіну атачаюць злосныя крапіўна-пякучыя буржуі на Захадзе, дрот памеранчавых рэвалюцый на паўдні і звыклае маскальскае пустазельле зь адвечнай безгаспадарчасьцю на ўсходзе...



__________________________________________________________________
Жыхары гэтых краёў любяць свой дом і чужой... ну в обшчэм ЗА Камунізм!!!





Тут існуе вялікае каханьне і пачуцьці... Так! Як і ў іншых краінах. Але чамусьці заўжды ў іхнае жыцьцё сунецца нехта іншы, са сваімі "бітвамі ЗА ўраджай", са сваімі "чаркамі і шкваркамі" і іншым патрыятызмам...




І наогул, іх настолькі шмат, што часам яны зьліваюцца з гэтай краінай... Вось гаўно.















Хм...
Народ, пералічыце сьлімакоў! Хто найлепш палічыць, таму прыз! Адказы прымаюцца толькі ў каментах

1. Імя

Андрусь

2. Як ты любіш, каб цябе называлі?

Так і люблю

3. Як ты ня любіш, каб цябе называлі?

«Андрей, Андрюша» і г.д.

4. Якімі вачыма ты глядзіш на сьвет?

Суръёзнымі гранітнымі вачыма злоснага апазыцыянэра

5. Ты верыш у сяброўства між хлопцам і дзяўчынай?

Безумоўна

6. А ў цябе ёсьць лепшы сябра супрацьлеглага полу?

Так… і вельмі шмат…

7. Апошняе глупства, якое ты зьдзейсьніў?

Прыдумаў нешта новае

8. Пра што ты думаеш апошнім часам?

Аб галёнках, ботах у самым рамантычным сэнсе гэтых словаў

9. Якое пытаньне ты часта сабе задаеш?

«Як?» Зрабіць, дасягнуць, пазбавіцца, перамагчы…

10. Дзе табе найлепш думаць?

Там дзе шмат людзей, якія думаюць разам са мной

11. Ты верыш у каханьне?

Маю такую веру.

12. А ў рамантыку?

Вельмі люблю

13. Назаві пяць чалавек, якія мусяць адказаць на гэтыя пытаньні ў сябе ў жж.


1-ыя пяць, якія згадзяцца пракаментаваць гэты пост, тыя атрымаюць эксклюзіўную мажлівасьць адказаць на гэтыя пытаньні ў сваім ЖЧ!!!
СЬПЯШАЙЦЕСЯ!! КОЛЬКАСЬЦЬ АБМЕЖАВАНА…

(Хаха!!! Вось тут і ўся правакацыя закладзена!)

Публічна прашу прабачэньня ў ва ўсіх, каго пакрыўдзіў ці зачапіў у вашых ЖЧ. У прыватнасьці гэтае тычыцца kaciona,  якая выказала рэзкі недавер маёй асобе ў апошніх сваіх постах і каментах.                    Гэта зь ветлівасьці. Прабач мяне за неасьцярожныя кпінлівыя жарты, Кацярына.


А гэта па сутнасьці:

         Беларусы як распушчалі соплі, так і распушчаюць, і калі няма магчымасьці папярэдзіць асабістую праблему ветлівасьцю, зьвяртаюцца да звыклай публічнай грубасьці, якая прыйшла на нашу зямлю ад маскалёў разам з бальшавізмам.
- Дзе вашае сумленьне і талерантнасьць, беларусы?
- Як дзе? Яна ёсьць!! - адкажа кожны такі беларус.
- ... і сапраўды, выяўляюцца яны толькі ў дачыненьні стаўленьня да бандытскай Беларускай улады, бо тая тады не рэпрэсуе. А сваіх знаёмых і блізкіх (людзей, якія проста так цябе не кінуць) можна і папінаць! :):):):):):):)

Учора займаўся медытацыяй ці медыумізмам? Зусім не разумею як гэта можна называць, але зьвязана гэта было з выкліканьнем духаў.

 І вось прыйшоў да мяне дух нейкага да болю знаёмага на твар немаладога мужчыны з лысінай на галаве, шырокім ілбом і глыбокім позіркам у цёмным вачах. Прадставіўся... не , дакладна не Мішанькай, але таксама неяк так знакаміта. Не памятаю дасканала, але па-мойму Сімеон Сьвятаслававіч Скразьняк...ці штосьці такое. Папраўце, калі памыляюся.

Дык вось, ён мне распавёў, што ён даўно ўжо там, дзе веснавыя коцікі і дэкаданс. І што ён, як заўжды вельмі незадаволены тым, што мы тут нічога не робім.

Я кажу: "Як жа так? Мы ж толькі тым і займаемся, што ахвяруем апошнім дзеля сьветлай Нашае Перамогі?"


"Не," - кажа мне Скразьняк:"Мала, мала карысьці ад тае справы, дзе адсутнічае цьвярозы падыход і сьветлая галава. Мала карысьці тамака, дзе мала крыві ад Маскалёў ды крывавай Хлэбні (тут зь яго рота вываліўся нетрывала ўмацаваны зуб)."


Сябры, клянуся што я адразу ўсё зразумеў і кінуў медытацыю. Медытацыя разам з гучным "дзін" грукнулася аб зямлю і разляцелася на кавалкі. Ад яе засталася цэлай толькі этыкетка, дзе вялікімі літарамі было напісана: АКВАДИВ "Перцовая" 25 % крепость.

Я зразумеў, пра што хацеў сказаць Скразьняк. Гутарка відавочна ішла аб тым, што мы даўно займаемся не тым, што дае хуткі палітычны плён.
 Я ўзгадаў, што тое ж самае казалі мне мае сябры ў пясочніцы і асабліва тыя, хто з нашай пясочніцы з'язджаў. Я не паверыў ні Скразьняку зараз ні і яго прыхільнікам раней. Гэта, вядома, весела балаболіць аб няплённасьці справы і самому не працаваць у пясочніцы. Але мы пакуль дзеці, мы вучымся працаваць, і гэта надае карысьці і вартасьці нашай справе на Ніве Адраджэньня. Узмацняе культурнае багацьце нашай краіны. Гэта надае карысьці і вартасьці нам, як магчымым рэстаўратарам гэтае спадчыны і будучым (якім-ніякім)  дзеячам...

Такім чынам Скразьняк не змог пасяліцца ў маёй галаве! Сябры, а каго з вас часам наведвае Скразьняк? Падзяліцеся меркаваньнямі на гэты конт?

Заява Сойму ГА БНФ “Адраджэньне” з нагоды рабурэньня гістарычнага цэнтру Горадні.

З канца 2005 г. ідзе гэтак званая “рэканструкцыя” цэнтральнай часткі Горадні. Падчас яе пацярпеў шэраг археалягічных помнікаў, а таксама будынкаў канца 19-га – пачатку 20-га стагодзьдзяў, якія знаходзіліся па-за межамі ахоўнай зоны старога гораду.

6 кастрычніка 2006 года быў зьненесены дом па вуліцы Горкага, 29. Гэты дом зьяўляецца адным з найлепшых узораў стылю каструктывізм у Беларусі . Аб’ектыўных прычынаў зносу будынку прад’яўлена не было. За яго захаваньне выступілі навукоўцы-гісторыкі, праблема была шырока паднятая ў шматлікіх беларускіх і замежных мэдыях, былі сабраныя подпісы жыхароў горада.

19 красавіка 2007 года Беларуская рэспубліканская навукова-мэтадычная рада па пытаньнях гісторыка-культурнай спадчыны пры Міністэрстве культуры фактычна ўхваліла разбурэньне значнай часткі гістарычнай Горадні. Спробы прымусіць гарадзенскія ўлады адмовіцца ад працягу вандалізму, праз звароты да міністэрстваў культуры і архітэктуры й будаўніцтва вычарпалі сябе.

У плянах Гарадзенскага чыноўніцтва на гэты год – руйнаваньне забудовы гістарычнага цэнтру Горадні (ад 30% да 40% агульнай плошчы ў межах ахоўнай зоны старога гораду).

Падлягаюць “пад знос”:

- Новы Сьвет паміж вуліцамі Горкага – Міцкевіча – 17 верасьня – Дзяржынскага – Астроўскага. Плянуецца забудова раёна прэстыжнымі кварталамі

- шэраг будынкаў кварталу Тэльмана – Гараднічанская – Калючынская – Кірава.

- правы флігель палацу адміністратара XVIII стагодзьдзя.

- ўнікальны для Беларусі будынак у стылі мадэрн па вул. Сацыялістычная, 44.

Калі гэтыя пляны будуць ажыцьцяўлены, то гэта будзе адным з найбуйнейшых прыкладаў вандалізму ў сучасным сьвеце, і стане побач са зьнішчэньнем “талібамі” статуяў Буды у Аўганістане.

Схільныя канстатаваць, што прычыны руйнаваньня гістарычных будынкаў палягаюць ня толькі ў недасьведчанасьці кіраўніцтва Горадні, але ў значнай ступені і ў карумпаванасьці абласной і гарадзкой адміністрацыяў.

З гэтай нагоды ГА БНФ “Адраджэньне”:

- ініцыюе стварэньне агульнанацыянальнага Камітэту па ўратаваньні гістарычнага цэнтру Горадні;

- выказвае недавер Навукова-мэтадычнай рады Міністэрства культуры, якая ўхваліла руйнаванне Горадні й прыняла рашэнне пра знос больш 40 будынкаў у гістарычным цэнтры.

- патрабуе правядзеньня публічных слуханьняў на тэму зьнішчэньня гістарычнай забудовы Горадні з удзелам прадстаўнікоў гарадзкой адміністрацыі, прадстаўнікоў Камітэту па ўратаваньні гістарычнага цэнтру Горадні; дасьведчаных экспэртаў і навукоўцаў.

У выпадку, калі акты “вандалізму” працягнуцца, ГА БНФ “Адраджэньне” будзе дамагацца прыцягненьня да крымінальнай адказнасьці ініцыятараў “перабудовы” гістарычнага цэнтру Горадні; скарыстае кантакты з замежнымі партнэрамі і прэсай дзеля прыцягненьня максымальнай міжнароднай увагі да сытуацыі ў Горадні; пачне падрыхтоўку масавых вулічных акцыяў; прыкладзе высілкі дзеля высьвятленьня юрыдычных і фізычных асобаў, якія справакавалі канфлікт, з мэтай правядзеньня інфармацыйных кампаніяў дзеля іх дыскрыдытацыі (гл. Дадатак 1)

ГА БНФ “Адраджэньне” даручае Гарадзенскай абласной і гарадзкой радам БНФ “Адраджэньне” распачаць інфармацыйную кампанію па абароне гістарычнай часткі горада Горадні; правесьці круглы стол, вынікам якога мусіць быць стварэньне Камітэту па ўратаваньні гістарычнага цэнтру Горадні.

1.05.2007

Старшыня Сойму ГА БНФ “Адраджэньне”

Вінцук ВЯЧОРКА

Ну, што... Божа, клапаціся аб Беларусі і яе дзетках!..Будзьма РАЗАМ!!

26.04

ЖЫВЕ БЕЛАРУСЬ!